移民之路012 - 換台灣駕照

換台灣駕照

我無電單車牌，只分享換台灣駕駛執照("駕照")，首先你必須要喺香港為你香港駕照做驗證，我記得駕照驗證係3個月有效的，然後喺台灣你要去監理所，即係好似香港嘅運輸署咁，果度會話你知要點做，包括做身體檢查嘅地方，通常梗有1,2間喺監理所附近。

當然你亦可以先做埋身體檢查先再去監理所然後直接申請就得。

重點黎啦，除左體檢之外，你仲要提供你最後一次入境日期嘅證明俾監理所。你一定有居留證啦，咁即係你已俾移民署收左入台證，又即係無左你最後一次入台嘅證明。你可能會話，阿哥，海關實有資料喎，你諗得無錯，但監理所都岩喎，因監理所還監理所，佢唔會搵海關攞資料囉。所以，你要先去移民署，俾好似TWD100蚊叫佢地出返張入出境證明俾你，你填要求一年內啦，唔會收多你錢嘅。

有呢張有顯示最後入境日期嘅證明，加上你passport, 香港駕駛執照, 居留證, 體檢, 就可以申請架啦，我就15分鐘換到啦~

又題外話，台灣人話好近嘅意思未必真係好近，話好遠又未必係好遠，點解呢? 因為佢地每人一架電單車(摩托)，佢地去菜市場都要揸架摩托去，我就成日俾人問，呀你行過黎要幾耐呀? 我話10分鐘多D啦，佢地就會問你揸摩托定開車呀? 我話行路呀，佢地就會話哇你好健康呀咁。

台灣人真係去個7-11都要揸摩托架，所以佢地話遠，其實只係行15分鐘內嘅事。但有時佢地話好近，卻係用揸車嘅角度去講，半個鐘就到，實際上係要行個幾鐘的，所以，問google啦，其實台灣人都唔係好熟非當區嘅路架咋。

當你岩岩到台灣嘅時候，未買車，咁可以點解決出門需要? 裝 55688 啦，係台大車隊apps，仲有得俾你揀咩車種tim，只要唔係太偏遠，我都未試過無車，超好用架。

要去遠嘅地方，就撘火車啦，好平，不過記得要去柜枱買飛，否則你如果只係用優悠卡直入呢，就係企位。柜枱買飛價錢一樣，但有劃位架~

移民之路011 - 居住地詳解

居住地詳解

上一篇寫到關於選擇居住地及小學心得，就懶到而家。投資移民嘅審批已經不斷收緊，而網店已經唔批，呢個亦係我嘅預期，由起初就話做實體店會更為簡單、安全，anyway，今次寫下在地生活有咩注意。

記得上篇係講學校，由此帶出一個生活重點，就係屋企同學校嘅距離，我嘅考慮好簡單，每日必須做而且無可避免嘅，視為優先解決項目，每日接送返學放學，就係必須而且無可避免，因此，選居所前必須先選定學校。

另一項必須就係買餸，台灣街市有分早市/黃昏市，通常方便接送學校就會選附近為早市菜市場，因為小學返學時間係8點左右，之後去買餸時間就perfect池。但放學時間就按班級唔同，越高班就越多日子返全日，係，無錯，低班大部份日子都係放12點半左右的。

然後就係醫院、診所，台灣雖然好多診所，但好少會開星期日，因此，比較好嘅係搵下邊幾間有開周日診，咁起碼萬一有起咩事，都有診所可以治療。

而如果你係開實體店，咁呢個點亦都會係你必須每日做嘅野，記得納入你搵屋考慮呀。

當你有晒呢D點之後，其實你已可以框到你可以選擇居所嘅範圍，其餘嘅野，其實同香港真係無甚分別，要咩有咩，對無特別要求嘅人黎講，已無乜野驚會唔慣。

而我再一次強調，考乜鬼野察吖，賺港銀台灣用，係最爽的，移民顧問費又平，即係唔多搵到錢（記得搵台灣本地顧問，平一半架)，咁考察費顧問們可能反而仲賺得多，專登帶你去D特色地點，其實最後你會發覺原來台灣都唔係咁嘅居多囉，即係我帶你去中環、深水埗、迪士尼，然後叫你揀，你又會唔會真係認識到香港? 而我上一篇都有講到考察點解無用，有興趣人士可以去睇睇。

移民之路010 - 攞居留證同時租屋同搵學校

(感覺用白話文寫比較傳神)

點樣搵地方住

上文講到, 我放棄考察 (有很多顧問卻會叫你考察😛), 但不代表我無考慮. 我知道, 我無能力於短時間內知道台灣那一個居住環境好/不好. 我只需要有幾個心理預期, 就可以應付:

1. 預期我只可以20-30年以上樓齡為住所;
2. 初期出門預期坐的士

有以上心理準備, 就無須要考察, 全台灣由北至南, 根本無甚分別. 台北一樣有高雄嘅郊野, 高雄都可以有台北嘅繁榮. 生活機能(即係便利性)亦必然一樣, 全家全聯梗有一間在附近.

真正要考慮之事情, 係錢解決唔到嘅事情. 地震, 颱風, 山泥, 爆炸. 咁就可以好有效地縮細範圍及你要搵資料嘅時間. 而當中 google map街景 同 591 幫到你.

因此, 台東面, 陽明山, 花蓮, 台中至台南皆不考慮. 自然剩下桃園湖口以北至新北至台北. 然後以591的地圖看樓, 就知道大概租金range.

然後, 去到第2點, 上學問題. 因為一定要選擇學校, 之後再選擇住所. 你唔會想每日7點前起身車小朋友返學, 而且國立小學跟學區, 除非該學區無學位, 先會安排去附近學區.

點樣搵學校

台灣官立即『國小』, 另外再有私立(一樣用官立課綱), 國際學校(只有部份學校收HKSAR做學生), 及實驗學校.

簡單講, 台灣讀書一樣可以狂谷狂操. 讀私立原因, 最尾只有一個客觀好處, 就係比較中產以上先可以讀, 因為一年20-30萬台幣, 等同香港直資, 肯花錢嘅都係想谷, 想谷自己子女嘅谷友, 可能比較適合私立.

國際學校, 預算比私立貴一倍, 而且香港人選擇少.

實驗學校, 又貴又未知其將來函接如何, 而且百花齊放(香港人應該明咩意思).

所以我選擇國立小學. 原因:

1. 容入當地
2. 同樣有按成績分班(不過我唔會谷)
3. 平
4. 選擇多
5. 如考唔到台北大, 都係出國讀架啦~

到時搵到幾間心儀學校, 再打去問有無位. 有, 就搵該學區樓去租. 居留證填返學區樓地址, 保險就帶同居留證, 學校成績表及租約直接去學校辦理轉入, 其他文件性工作學校會向教育署辦理.

而小學是否需要考察? 我自問我連香港學校都未了解, 何況台灣? 而且:

1. 老師好唔等如同學好;
2. 同學好唔等如設備好;
3. 設備好唔等如升學好;
4. 升學好唔等如老師好.
然後無限loop. 又或者真係樣樣都一定好, 但唔待如你入學果年都係咁好...

作為家長, 我認為相處時間比一切都重要, 香港人, 死後身家俾後代, 其實佢喺台灣已可以生活得不錯, 最緊要教導正確價值觀, 做一個好人, 將來是否成才, 係小朋友嘅命運同際遇. 正如香港人唔會諗到第2波移民潮咁快殺到.

所以我縮細城市選擇至3個之後, 就以學校去選擇地區(當然唔係只選定一間, 非君不嫁咁傻), 選擇完地區後, 就上591睇價, 又用google map自制個人地圖, 將生活圈內各重點地方標示, 例如醫院, 理髮, 圖書館, 超市, 便利店, 大賣場, 菜市場, 游泳池, 國民體育中心, 捷運站, 公園, 消防, 公安局, 油站, etc...

然後你就好快可以得出, 你可以選擇嘅地方. 再其實計一計數, 用來所謂考察嘅機票, 酒店, 時間, 人工, 各樣洗費, 我百份百肯定你可將該支出化開12個月後, 足夠讓自己由上述選定嘅區域中, 住到頂級/最貴嘅選擇. 舉例:

• 考察機票單人TWD4000來回, 雙人8000
• 酒店TWD1500/日, 14日=21,000
• 單人食&行1000/日, 雙人2000/日, 14日=28000
• 留台2周=8000+21000+28000=57000/12個月=TWD4750

而同一區, 新舊樓租金相差4000元, 其實已可以讓你升級住當區豪宅... 而老實說, 考察完亦唔會令你清晰幾多, 精打細算嘅香港人, 應該識諗.

移民之路009 - 攞居留證同時租屋同搵學校

拿居留證時對居所及小學的選擇

話說8月到台灣拿居留證, 立即遇到罕有的6級地震, 還以為打風會強勁到搖到酒店, 當時思考一下後就醒起台灣是會地震的...這次分享的, 正正是居住地區的選擇及我選小學的觀點.

這段時間朋友查詢當中, 有一事我分享得比較多, 就是居住地方/環境. 在很久以前為移民找資料時, 其中之一最花時間的, 就是選擇該住那一區, 而經驗告訴我幾件事:

1. 地產行業嘅說話, 信一半就好;
2. 當地人都未清楚全台灣各自嘅優缺點;
3. 在台考察只係浪費金錢

有以上感受的原因, 因為:

1及2) 台灣地產代理已經比較純, 但香港地產代理心態如何, 全世界也差不多, 最主要賺佣, 當日如何食佣, 行家之間鬥法都一樣. 而且配合第2點, 本地人也只可以有個對台灣環境的概括, 但詳情則除了自己居住的區域外, 多隔一兩區已不大了解了. 這是我在問過很多本地人後的感覺... 可以因為地方大, 其實不清楚也很正常吧~

3) 在台考察, 熱門地方最少有5個, 每個地方住1星期已等如1.5個月, 但居住1星期可以考察到什麼? 實際上要考察的事情, 不說實體店的營業點, 單單居住環境就起碼最少要2星期一個區. 留意, 是一個區, 非一個市. 一個市起碼有二十多個區, 如何考如何察?

因此, 我放棄考察 (有很多顧問卻會叫你考察😛), 但不代表我無考慮. 我知道, 我無能力於短時間內知道台灣那一個居住環境好/不好. 我只需要有幾個心理預期, 就可以應付:

1. 預期我只可以20-30年以上樓齡為住所;
2. 初期出門預期坐的士

實際上如何做? 下文再述。

移民之路008 - 關於600萬匯款

關於600萬匯款

這個很簡單, 卻也最實際地能減少你的成本, 輕則補償了你的移民顧問費, 重則甚至抵消你居台12個月的生活費!

以美元匯款

以美元匯款

以美元匯款

很重要所以要說三次! 匯價好太多了!

不談匯價波幅的判斷. 首先你要有美金戶口, 這個你要花時間去看各大銀行的HKD.USD匯價而決定在那一間銀行開戶;

其次你要確認你台灣公司戶口的英文名稱! 因為你的公司名當時是用中文(可參看前文), 而香港銀行匯款名要用英文, 因此你要把中文名釋為英文, 不懂就付費給銀行翻釋;

第三當你有了戶口時要兌匯, 就要留意電價還是現金價, 現金價是即時可換到美金, 電價是外匯市場的交易, 需要時間交收, 因此不是即時有『可用現金』轉帳的, 大妁T+2應該大部份銀行都交收了. 最反, 如幸運的話, 可能你現有的銀行已有電匯價優勢, 你就可省下開戶時間. 如要開戶, 大約2天, 而匯款, 也是T+2到台灣. 而電價與現鈔價, HSBC差價相差是HKD3500, HS差價是HKD2000呢

小結一下. 以上可看到一在這階段中, 最長時間是良民證, 3-4星期. 那即是說, 你的所有其他事情, 有3星期可處理. 最煩是公證/驗證, 因為不可控, 而最短時間又最受控是銀行開戶頭尾是2+2.

橋妙1: 最優惠的銀行匯價, 對於某一種金融機構來說, 都是貴、貴、貴, 如有FX trading投資經驗, 就應該可想到如何在外匯市場上以找到最好的差價以減輕成本.

橋妙2: 香港的國際公證人收費大約1500-3000元一張A4紙大小文件, 成本足足是來回機票+酒店了! 因此如果醫院體檢時對你有額外要求, 你可直接在台灣做補救, 台灣公立醫院出的報告不用公證也不用驗證~

總結:

前文所說, 移民顧問說他們的經驗, 第一次投審會要2星期就會有結果, 然後就會批準匯款. 匯款再要2星期審核, 批准後就可以設立公司和申請居留了. 當時最短最短可以做到1個月完成, 我就用了1.5個月. 但現時太多人申請, 而且移民署開始對申請人有些新問題了...我想現時最短也要2.5個月.

Anyway, 其實當你一開始進行申請時, 就要同時進行上述的工作了, 而良民證有效期是3個月, 銀行開戶是永久有效的, 唯獨有什麼要公證就要視乎情況了.

因此, 我個人認為, 你甚至可以在第一次到台灣前一日就去申請良民證了. 而如果要做國際公證人才可驗證的東西, 那就應該肯定自己有良民證才去做公證, 不然就蝕到喊...

移民之路007 - 加快通過投審會之橋妙

加快通過投審會之橋妙

回說這幾星期, 就是我到台灣拿居留證和安排居住事宜, 所以很久沒有更新分享. 這貼文的附圖, 就是在投審會第2次審核成功後設立公司的文件. 在第1次送交投審會之後(上文), 大家可能要留意的地方有以下數點. 因為有些事情是可以相軌並行, 從而縮短移民申請過程~

1. 申請良民證
2. 文件驗證
3. 600萬匯款

良民證

本人從申請到拿到良民證通知, 用了不到3星期(包括周六日). 因此, 這3星期之內(有其他人分享要4星期), 就算你所有東西都齊全/批出, 你也不能申請居留. 這是第1個constraint.

文件驗證

如夫妻同行就要驗證結婚證書;
如帶同子女就要出世紙;

如體檢未有抗體就要針卡;

同要用車就要駕駛執照;

如要學歷證明就要學校出學歷、簽名、鋼印於信封上;

大家要特別留意, 如有任何非直接政府機構發出之證明, 包括結婚證書(很多人是律師見證)、疫苗注射(很多在診所打)、學歷或專業資格(這個很麻煩, 必須與台經辦確認每一個個案), 都需要有國際公證人先做公證, 台經辦才會做驗證.

國際公證人大約需時1星期, 驗證當時我需要前後共3日, 各證明在不同機構大約要10工作年即2星期. 因此, 在文件驗證準備這工作中, 你會有起碼2星期時間需求, 沒有驗證, 你也很可能不可以申請居留證, 這是第2個constraint.

關於600萬匯款下文再述

移民之路006 - 第一次來台

第一次來台

前文大概說了整個過程，今次分項再詳細分享。前文列了6點要事前準備的事情，我先說明頭4點。

1. 公司名稱

只可用中文名稱，這個公司名稱可花了我幾天去想，可能台灣和香港不同，英文是香港較常用的，不論在推廣上還是創意上，而台灣卻只可用中文，所以我當時白花了時間去想英文名而無用...但各位放心，當你過了這一年後拿到身份證，你可以再開一家公司，到時就可以用英文名了。留意，你可以預備3-5個名字好讓移民公司幫你查詢是否可用.

2. 業務範圍

即是你要買賣的貨物是什麼? 還是飲食? 服裝? 是零售還是批發? 請你注意, 你要仔細到產品類別, 如果是買賣，例如賣化妝品的話，面膜? 太陽油? 因為某些化妝品會被視為藥品, 因此你越清晰越好。當時我的顧問公司也要用幾天時間去查詢而令送遞日遲了一天。

3. 經營方式

這就是實體店還是網店。據我了解，網店的成本最低，但我現時看來，以網店過移民署的難度比較高，網店的優點點正正是移民署的弱點，因為很多東西都只有網上證明。實體店成本高，但這也補償了向移民署證明你的確有真實業務。但總括來說，只要是真實用心去營運，不論是實體店還是網店，都是可以成功過到移民署的。

4. 顧問及會計師服務範圍

這裡特別要提醒一年事，如果你要做的是飲食業，你必須有適合的營運地址，因為投審會會查看地址是否可經營該行業，如你是網店則不用理會，仍用商務中心就好了。

我是一次過使用會計師服務、報稅、健保、工作證、商務中心、代收信、公司解散服務。我想現時有很多都設有一條龍服務，不用大家費心了。

5. 居住地區範圍 和 6. 小朋友心儀學校, 我另外再開文。

補充，我在計劃移民的時候，曾與好幾間移民顧問商談，發覺有一問題，就是往往他們會邀請我到台灣考察，又或者在公司與我商討營商模式、行業之類的。老實說，飛一次台灣機票就要2000元，如果去到『商討』後卻不符合自己的要求，那我不就要又飛多次? 又或是一次過預幾天時間見幾家移民公司? 而又要在那幾天時間內，才去想自己要經營的生意詳情、客戶群、產品、行業、供應、交易渠道? 我自問就沒有這能耐，因此我所做的，是在事前知道所有細節，當我選定一家公司後，飛過去就已經是開始過第一次投審會了，當然合約也是在未到台灣時就已詳閱了解，落地了就簽約，所以1.5個月完成批出居留申請，事前準備是不可或缺的。